പോര്‍ക്ക്‌ വിഭവങ്ങള്‍

അങ്കമാലി സ്പെഷ്യല്‍ പോര്‍ക്ക്‌ & കൂര്‍ക്ക കറി

ഹായ് ! റസിപ്പി എല്ലാവര്ക്കും ഇഷ്ട്ടമാകുന്നുണ്ടോ … ഉണ്ടാക്കി നോക്കാറുണ്ടോ ?
ഇന്ന് നമുക്ക് പോര്‍ക്കും കൂര്‍ക്കയും വച്ചാലോ അങ്കമാലിക്കാരുടെ പ്രിയപ്പെട്ട വിഭവം …ഇറച്ചികളില്‍ അങ്കമാലിക്കാര്‍ക്ക് പ്രിയം പോര്‍ക്ക്‌ ആണ് ..അതും പോര്‍ക്കും കൂര്‍ക്കയുമാണ് ബെസ്റ്റ് കോമ്പിനേഷന്‍ വളരെ ടേസ്റ്റിയാണിത്‌ …വളരെ എളുപ്പത്തില്‍ നമുക്കിത് തയ്യാറാക്കാം …ഇതിനാവശ്യമുള്ള സാധനങ്ങള്‍

1. പോര്‍ക്ക് ഒരു കിലോ 2. മുളകുപൊടി മൂന്ന് ടീസ്പൂണ്‍ 3. മല്ലിപ്പൊടി മൂന്ന് ടീസ്പൂണ്‍ 4. മഞ്ഞള്‍പ്പൊടി ഒരു ടീസ്പൂണ്‍ 5. ഇറച്ചിമസാല (പൊടി) രണ്ട് ടീസ്പൂണ്‍ 6. ചെറിയ ഉള്ളി 50 ഗ്രാം 7. ഇഞ്ചി 25 ഗ്രാം 8. പച്ചമുളക് ആറ് എണ്ണം 9. വെളുത്തുള്ളി രണ്ട് അല്ലി 10. വെളിച്ചെണ്ണ രണ്ട് ടീസ്പൂണ്‍ 11. കറിവേപ്പില രണ്ട് കതിര്‍ 12. ഉപ്പ് ആവശ്യത്തിന് 13. കുരുമുളക് പൊടി 14. സവോള രണ്ടെണ്ണം 15. കൂര്‍ക്ക അരക്കിലോ

ഇനി ഇത് എങ്ങിനെ തയ്യാറാക്കാം എന്ന് നോക്കാം

പോര്‍ക്ക്‌ നന്നായി വൃത്തിയാക്കി എടുക്കുക ( തിളച്ച വെള്ളത്തില്‍ ഇട്ടിട്ടു നുറുക്കി എടുത്താല്‍ അതിന്‍റെ നെയ്യ് കുറെയൊക്കെ പോയികിട്ടും പൊടിഞ്ഞു പോവുകയുമില്ല )
വൃത്തിയാക്കിയ പോര്‍ക്ക്‌ മഞ്ഞപ്പൊടി , മുളകുപൊടി , കുരുമുളകുപൊടി , മീറ്റ്‌ മസാല , ഗരം മസാല , ഉപ്പ് എന്നിവ ചേര്‍ത്തു മിക്സ് ചെയ്തു ഒരു ഗ്ലാസ്‌ വെള്ളവും ചേര്‍ത്തു കുക്കറില്‍ ഇട്ടു മൂന്നു വിസില് കേള്‍ക്കും വരെ വേവിക്കുക

അടുത്തതായി കൂര്‍ക്ക നന്നായി ക്ലീന്‍ ചെയ്തു എടുക്കുക ( കൂര്‍ക്ക എളുപ്പത്തില്‍ ക്ലീന്‍ ആക്കാന്‍ ഒരു സഞ്ചിയില്‍ എല്ലാം കൂടിയിട്ടു കൂട്ടിപ്പിടിച്ചിട്ടു ഒന്ന് അലക്കിയാല്‍ മതി തൊലി കുറെയൊക്കെ പോയിട്ടുണ്ടാകും പിന്നെ ക്ലീന്‍ ചെയ്യാന്‍ എളുപ്പമാകും )

ക്ലീന്‍ ചെയ്ത കൂര്‍ക്ക നന്നായി കഴുകി പോര്‍ക്കിനോപ്പം ചേര്‍ത്ത് ഒന്ന് വേവിക്കുക …ഇപ്പോള്‍ പോര്‍ക്കും കൂര്‍ക്കയും വേവിച്ചു കഴിഞ്ഞു ഇനി ഇത് മാറ്റിവയ്ക്കുക

ഇനി അടുത്തതായി ഒരു ചട്ടിയില്‍ എണ്ണ ഒഴിച്ച് സവോള , ഇഞ്ചി , വെളുത്തുള്ളി , പച്ച മുളക് എന്നിവ നന്നായി വഴറ്റി എടുക്കുക

പിന്നീട് കുക്കറില്‍ നിന്ന് പോര്‍ക്ക്‌ കൂര്‍ക്ക എടുത്തു ഈ വഴറ്റിയത്തിലേക്ക് ചേര്‍ക്കുക ഒന്ന് അടച്ചുവയ്ക്കുക ശേഷം അടിയില്‍ പിടിക്കാതെ ഇടയ്ക്കിടയ്ക്ക് ഇളക്കി കൊടുക്കുക
പോര്‍ക്ക്‌ നന്നായി വേവുന്നത് വരെ ഇളക്കി വരട്ടുക നന്നായി വരണ്ടു കഴിയുമ്പോള്‍ അല്‍പ്പം കുരുമുളക് പൊടി വിതറി കറിവേപ്പില ചേര്‍ത്തു ഇറക്കുക

പോര്‍ക്ക്‌ കൂര്‍ക്ക വരട്ടിയത് റെഡി

പാത്രം അല്‍പ്പം ചരിച്ചുവെച്ചാല്‍ ഇറച്ചിയിലെ നെയ്യ് അടിയും. അത് നീക്കം ചെയ്താല്‍ നല്ലപോലെ വരണ്ടു കിട്ടും

ഈ വിഭവം നിങ്ങള്‍ കഴിച്ചിട്ടില്ലെങ്കില്‍ അത് ഒരു നഷ്ട്ടമായിരിക്കും എളുപ്പത്തില്‍ തയ്യാറാക്കാവുന്ന ഇത് എല്ലാവരും ഉണ്ടാക്കി നോക്കുക

ഈ പോസ്റ്റ്‌ ഇഷ്ടമായെങ്കില്‍ നിങ്ങളുടെ കൂട്ടുകാര്‍ക്കും ഷെയര്‍ ചെയ്യൂ. നിങ്ങള്‍ ഈ പേജ് ഇതുവരെ ലൈക്ക് ചെയ്തില്ലായെങ്കില്‍ ഉടന്‍തന്നെ ലൈക് ചെയ്യൂ. ദിവസവും പുതിയ പോസ്റ്റുകള്‍ നിങ്ങളുടെ ടൈംലൈനില്‍ ലഭിക്കും.

Leave a Reply

Your email address will not be published. Required fields are marked *

Back to top button
Close
Close