നല്ല സൂപ്പർ ടേസ്റ്റിൽ മഷ്‌റൂം മസാല റെഡി ആക്കി എടുക്കാം വളരെ എളുപ്പത്തിൽ
പലഹാരത്തിലേക്കും, ചോറിലേക്കും പറ്റിയ സൂപ്പർ കറി ആണിത്. അപ്പോൾ വളരെ എളുപ്പത്തിൽ എങ്ങിനെ ആണ് മഷ്‌റൂം മസാല റെഡി ആക്കി എടുക്കുന്നത് എന്ന് നോക്കാം.
ആദ്യം ഒരു പാൻ അടുപ്പിൽ വച്ചു ചൂടാക്കി അതിലേക്ക് നാലു സ്പൂൺ ഓയിൽ ചേർക്കുക. അതിലേക്ക് ഒരു നുള്ള് ചെറിയ ജീരകം ചേർത്ത് പൊട്ടിക്കുക. ഇനി രണ്ടു സവാള പൊടിയായി അരിഞ്ഞത് ചേർത്ത് നന്നായി വഴറ്റുക. സവാള നല്ല ബ്രൗൺ നിറം ആയി വന്നാൽ അതിലേക്ക് രണ്ടു സ്പൂൺ ഇഞ്ചി വെളുത്തുള്ളി പേസ്റ്റ് ചേർക്കുക. നന്നായി വഴറ്റുക. ഇനി കാൽ സ്പൂൺ മഞ്ഞൾപൊടി, ഒരു സ്പൂൺ മുളക്പൊടി, ഒരു സ്പൂൺ മല്ലിപ്പൊടി എന്നിവ ചേർത്ത് നന്നായി വഴറ്റുക.
പൊടികളുടെ പച്ചമണം മാറിയാൽ അതിലേക്ക് രണ്ടു തക്കാളി അരച്ചത് ചേർത്ത് നന്നായി വഴറ്റുക. അഞ്ചു മിനിറ്റ് അടച്ചു വച്ചു വേവിക്കുക. എണ്ണ നല്ലതുപോലെ തെളിഞ്ഞു വരുന്ന പാകം ആയാൽ അതിലേക്ക് ഒരു കപ്പ് ചൂടു വെള്ളം ചേർത്ത് നന്നായി തിളപ്പിക്കണം. ഈ സമയത്ത് പാകത്തിന് ഉപ്പ് ചേർക്കുക. വെള്ളം തിളക്കാൻ തുടങ്ങിയാൽ അതിലേക്ക് കഴുകി വൃത്തിയാക്കി വച്ചിരിക്കുന്ന ഇരുന്നൂറു ഗ്രാം മഷ്‌റൂം ചേർത്ത് നന്നായി മിക്സ്‌ ചെയ്യുക. ഇനി അൽപ്പം നേരം അടച്ചു വച്ചു വേവിക്കുക. മഷ്‌റൂം നന്നായി വെന്തു വന്നാൽ അതിലേക്ക് ഒരു സ്പൂൺ ഗരം മസാലയും, അര സ്പൂൺ കുരുമുളക്പൊടിയും ചേർത്ത് നന്നായി മിക്സ്‌ ചെയ്യണം. ഇനി ഒരു പിടി മല്ലിയില അരിഞ്ഞത് ചേർത്ത് നന്നായി മിക്സ്‌ ചെയ്തു വാങ്ങി വക്കണം. ഇപ്പോൾ നമ്മുടെ അടിപൊളി “മഷ്‌റൂം മസാല” റെഡി… !!
