ബാക്കി വന്ന ദോശ മാവിൽ നിന്ന് ഇത്ര ടേസ്റ്റ് ഉള്ള പലഹാരമോ? അതേ കുഴിപനിയാരം തയ്യാറാക്കി എടുക്കൂ നിമിഷ നേരം കൊണ്ട്

അപ്പോൾ നമുക്ക് ഈസി ആയി എങ്ങിനെ ആണ് ടേസ്റ്റ് ഉള്ള കുഴി പനിയാരം തയ്യാറാക്കുന്നത് എന്ന് നോക്കാം. ആദ്യം ഒരു കപ്പ് ദോശ മാവ് റെഡി ആക്കി വക്കുക. ഇനി ഒരു പാൻ അടുപ്പിൽ വച്ചു ചൂടാക്കി അതിലേക്ക് രണ്ടു സ്പൂൺ വെളിച്ചെണ്ണ ഒഴിച്ച് കൊടുക്കണം. അതിനു ശേഷം ഒരു സ്പൂൺ കടുക് ചേർത്ത് കൊടുക്കണം.

ഇനി ഒരു സ്പൂൺ ഉഴുന്നു പരിപ്പ് ചേർത്ത് കൊടുക്കണം. കടുക് പൊട്ടിയ ശേഷം ഒരു സവാള ചെറുതായി അരിഞ്ഞത്, രണ്ടു പച്ചമുളക് ചെറുതായി അരിഞ്ഞത്, കുറച്ചു കറിവേപ്പില ചെറുതായി അരിഞ്ഞത്, ഒരു ചെറിയ കഷ്ണം ഇഞ്ചി അരിഞ്ഞത് എന്നിവ ചേർത്ത് കൊടുക്കണം. ഒന്നു വഴറ്റിയ ശേഷം ദോശ മാവിലേക്ക് ചേർത്ത് കൊടുക്കുക. ഇനി രണ്ടു സ്പൂൺ തേങ്ങ ചിരകിയതും, പാകത്തിന് ഉപ്പും മാവിലേക്ക് ചേർത്ത് നന്നായി മിക്സ്‌ ചെയ്യണം. ഈ മിക്സ്‌ പത്തു മിനിറ്റ് റെസ്റ് ചെയ്യാൻ വേണ്ടി അടച്ചു വക്കണം.

ഇനി നമുക്ക് പനിയാരം റെഡി ആക്കാൻ തുടങ്ങാം. അതിനു വേണ്ടി ഒരു ഉണ്ണിയപ്പച്ചട്ടി അടുപ്പിൽ വച്ചു ചൂടാക്കി എടുക്കുക. അതിലേക്ക് കുഴി മൂടുന്ന രീതിയിൽ വെളിച്ചെണ്ണ ഒഴിച്ച് കൊടുക്കണം. വെളിച്ചെണ്ണ നന്നായി ചൂടായി വന്നാൽ ഓരോ കുഴിയിലും മാവ് ഒഴിച്ച് കൊടുക്കുക. മാവ് ഒഴിച്ച ശേഷം തീ നന്നായി കുറച്ചു വക്കണം. ഒരു സൈഡ് മൊരിഞ്ഞു വന്നാൽ തിരിച്ചു ഇട്ടു കൊടുക്കണം. അതിനു ശേഷം ഓരോന്നായി വാങ്ങി വക്കുക. ഇപ്പോൾ നമ്മുടെ അടിപൊളി കുഴി പനിയാരം തയ്യാർ… !! നമ്മുടെ ഈ കുഴി പനിയാരം വെറുതെ കഴിക്കാനും ചട്ണിയുടെ കൂടെ കഴിക്കാനും സൂപ്പർ ടേസ്റ്റ് ആണ്.