കോളി ഫ്ലവർ ഉണ്ടോ… അടിപൊളി ടേസ്റ്റിൽ ഗോബി 65 തയ്യാറാക്കി എടുക്കാം

അപ്പോൾ നമുക്ക് എങ്ങിനെ ആണ് അടിപൊളി ഗോബി 65 തയ്യാറാക്കി എടുക്കുന്നത് എന്ന് നോക്കാം. ആദ്യം ഒരു മീഡിയം വലുപ്പത്തിൽ ഉള്ള കോളി ഫ്ലവർ എടുക്കുക. അതിൽ നിന്നും ചെറിയ ചെറിയ പൂക്കൾ ആയി അടർത്തി എടുക്കുക. അതിനു ശേഷം വൃത്തിയായി കഴുകി എടുക്കുക.

ഇനി ഒരു പാത്രത്തിൽ വെള്ളം വച്ചു തിളപ്പിക്കുക. ഇനി അതിലേക്ക് പാകത്തിന് ഉപ്പും, അര സ്പൂൺ മഞ്ഞൾപൊടിയും ചേർത്ത് കൊടുക്കണം. വെള്ളം തിളച്ചു വന്നാൽ അതിലേക്ക് കഴുകി വച്ചിരിക്കുന്ന കോളി ഫ്ലവർ ചേർത്ത് മൂന്നു മിനിറ്റ് തിളപ്പിക്കണം. അതിനു ശേഷം വാങ്ങി വെള്ളം വാരാൻ വേണ്ടി വക്കുക. ഇനി നമുക്ക് ഗോബി 65ലേക്ക് ആവശ്യത്തിന് ഉള്ള മസാല റെഡി ആക്കണം. അതിനു വേണ്ടി ഒരു പാത്രത്തിലേക്ക് ഒന്നര സ്പൂൺ കാശ്മീരി മുളക്പൊടി, മുക്കാൽ സ്പൂൺ ഗരം മസാല, ഒരു സ്പൂൺ ഇഞ്ചി വെളുത്തുള്ളി പേസ്റ്റ്, അര മുറി നാരങ്ങ നീര്, ഒരു മുട്ട, മൂന്നു സ്പൂൺ കോൺ ഫ്ലോർ, രണ്ടു സ്പൂൺ അരിപൊടി, ഒരു സ്പൂൺ റവ, അര സ്പൂൺ പെരുംജീരകം പൊടി, പാകത്തിന് ഉപ്പ് എന്നിവ ചേർത്ത് നന്നായി മിക്സ്‌ ചെയ്തു എടുക്കണം. ഇനി അതിലേക്ക് വേവിച്ചു ഊറ്റി വച്ചിരിക്കുന്ന കോളി ഫ്ലവർ ചേർത്ത് നന്നായി മിക്സ്‌ ചെയ്യണം. ഇനി ഒരു മണിക്കൂർ നന്നായി അടച്ചു ഫ്രിഡ്ജിൽ വക്കണം. കോളി ഫ്ലവറിലേക്ക് മസാല നന്നായി പിടിക്കാൻ വേണ്ടിയാണ് ഇങ്ങിനെ ചെയ്യുന്നത്.

ഇനി ചുവട് കട്ടിയുള്ള ഒരു പാൻ അടുപ്പിൽ വച്ചു ചൂടാക്കി അതിലേക്ക് മുക്കി പൊരിക്കാൻ ആവശ്യത്തിന് ഉള്ള ഓയിൽ ചേർത്ത് കൊടുക്കണം. നന്നായി ചൂടായി വന്നാൽ അതിലേക്ക് കോളി ഫ്ലവർ ഓരോന്നായി ഇട്ടു കൊടുക്കുക. ഒരുമിച്ച് ഇട്ടു കൊടുത്താൽ ആകെ കട്ട പിടിച്ചു പോകും. ഇനി ചൂട് നന്നായി കുറച്ചു വക്കണം. ഒരു സൈഡ് പാകത്തിന് മൊരിഞ്ഞു വന്നാൽ മറിച്ചിട്ട് കൊടുക്കണം. രണ്ടു സൈഡും പാകമായാൽ വാങ്ങി വക്കണം. എല്ലാം ഇങ്ങിനെ തന്നെ വറുത്തു കോരുക. അവസാനം മൂന്നു തണ്ട് കറിവേപ്പിലയും, നാലഞ്ചു പച്ചമുളക് കീറിയതും ഓയിലിലെക്ക് ചേർത്ത് നന്നായി വറുത്തു കോരി കോളി ഫ്ലവറിലേക്ക് ചേർത്ത് കൊടുക്കണം. ഇപ്പോൾ നമ്മുടെ സൂപ്പർ ടേസ്റ്റ് ഉള്ള ഗോബി 65 റെഡി… !!