എന്നും വെക്കുന്നതിൽ നിന്നും വ്യത്യസ്തമായി കാബേജ് തോരൻ ഒരു വട്ടം ഇതുപോലെ തയ്യാറാക്കൂ

ഇലയുടെ അരികിൽ കാബേജ് തോരൻ ഇല്ലെങ്കിൽ പിന്നെ ഒരു കുറവാണ്. അപ്പോൾ പിന്നെ കാബേജ് തോരൻ തയ്യാറാക്കാൻ അറിയേണ്ടേ… എന്നാൽ പിന്നെ എങ്ങിനെ ആണ് കാബേജ് തോരൻ തയ്യാറാക്കുന്നത് എന്ന് നോക്കാം. ആദ്യം ഒരു മീഡിയം വലുപ്പത്തിൽ ഉള്ള കാബേജ് ചെറുതായി കനം കുറച്ചു അരിഞ്ഞു എടുക്കണം. അതിനുശേഷം നന്നായി കഴുകി എടുക്കണം. ശേഷം വെള്ളം ഊറ്റി വക്കുക.

ഇനി ഒരു ചീന ചട്ടി അടുപ്പിൽ വച്ചു ചൂടാക്കുക. അതിലേക്ക് മൂന്നു സ്പൂൺ വെളിച്ചെണ്ണ ചേർത്ത് കൊടുക്കണം. അതിലേക്ക് ഒന്നര സ്പൂൺ കടുക് ചേർത്ത് പൊട്ടിക്കുക. ഇനി നാലു വറ്റൽമുളക് പൊട്ടിച്ചത് ചേർത്ത് കൊടുക്കണം. നാലു തണ്ട് കറിവേപ്പില ചേർത്ത് കൊടുക്കണം. ഇനി അരിഞ്ഞു വച്ചിരിക്കുന്ന കാബേജിലേക്ക് ഒരു സവാള കനം കുറച്ചു അരിഞ്ഞതും, പാകത്തിന് ഉപ്പും മഞ്ഞൾപൊടിയും ചേർത്ത് നന്നായി മിക്സ്‌ ചെയ്തു എടുക്കുക. ഈ കൂട്ട് കടുക് പൊട്ടിച്ചത്തിലേക്ക് ചേർത്ത് നന്നായി മിക്സ്‌ ചെയ്തു എടുക്കണം.

ഇനി ഇതിലേക്ക് അരപ്പ് റെഡി ആക്കണം. അര മുറി തേങ്ങ, നാലു വെളുത്തുള്ളി, മൂന്നു പച്ചമുളക് എന്നിവ മിക്സിയിൽ ഇട്ടു ഒതുക്കി എടുക്കണം. അതിനു ശേഷം കാബേജിലോട്ട് ചേർത്ത് കൊടുക്കുക. ഇനി നന്നായി മിക്സ്‌ ചെയ്തു എടുക്കണം. ചെറിയ ചൂടിൽ ഇട്ടു രണ്ടു മിനിറ്റ് അടച്ചു വച്ചു വേവിക്കുക. വെള്ളം ചേർത്തു കൊടുക്കരുത്. ഇപ്പോൾ നമ്മുടെ അടിപൊളി കാബേജ് തോരൻ തയ്യാർ… !!

https://www.youtube.com/watch?v=eL_-pWt6qqA