കപ്പ ഉണ്ടോ.? പലഹാരത്തിലേക്ക് പറ്റിയ സൂപ്പർ കപ്പ കുറുമ റെഡി ആക്കി എടുക്കാം വളരെ എളുപ്പത്തിൽ

കപ്പ കുറുമ വളരെ എളുപ്പത്തിൽ നമുക്ക് തയ്യാറാക്കി എടുക്കാം. അപ്പത്തിനും, നൂൽ പുട്ടിനും, ദോശക്കും, ചപ്പാത്തിക്കും പറ്റിയ അടിപൊളി കുറുമ ആണിത്. അപ്പോൾ വളരെ എളുപ്പത്തിൽ എങ്ങിനെ ആണ് കുറുമ തയ്യാറാക്കി എടുക്കുന്നത് എന്ന് നോക്കാം.

ആദ്യം മീഡിയം വലുപ്പത്തിൽ ഉള്ള ഒരു കപ്പ തൊലി കളഞ്ഞു വൃത്തിയായി കഴുകി എടുക്കുക. അതിനു ശേഷം ചെറിയ കഷണങ്ങൾ ആക്കി മുറിച്ചു വക്കണം. ഇനിയും പല തവണ കഴുകി എടുക്കുക. അതിനു ശേഷം ഒരു കുക്കറിലേക്ക് മാറ്റി കാൽ സ്പൂൺ മഞ്ഞൾപൊടിയും, പാകത്തിന് ഉപ്പും, വെള്ളവും ചേർത്ത് രണ്ടു വിസിൽ വരുന്നത് വരെ വേവിച്ചു എടുക്കുക. ഇനി നാലു വലിയ സ്പൂൺ തേങ്ങാ ചിരകിയത്, രണ്ടു പച്ചമുളക് എന്നിവ ചേർത്ത് നന്നായി അരച്ചു എടുക്കണം.

ഇനി ഒരു പാൻ അടുപ്പിൽ വച്ചു ചൂടാക്കി അതിലേക്ക് രണ്ടു സ്പൂൺ വെളിച്ചെണ്ണ ചേർക്കുക. അതിലേക്ക് ഒരു സ്പൂൺ കടുക് ചേർത്ത് പൊട്ടിക്കണം. ഇനി ഒരു സവാള ചെറുതായി കൊത്തിയരിഞ്ഞത് ചേർത്ത് നന്നായി വഴറ്റുക. അതിലേക്ക് ഒരു സ്പൂൺ ഇഞ്ചി, വെളുത്തുള്ളി ചതച്ചത് ചേർത്ത് നന്നായി വഴറ്റുക. പച്ചമണം മാറിയ ശേഷം അര സ്പൂൺ ഗരം മസാല ചേർത്ത് നന്നായി മിക്സ്‌ ചെയ്യണം. ഇനി വേവിച്ചു വച്ചിരിക്കുന്ന കപ്പ ചേർത്ത് നന്നായി മിക്സ്‌ ചെയ്യുക. അതിലേക്ക് അരച്ചു വച്ചിരിക്കുന്ന തേങ്ങാ ചേർത്ത് നന്നായി മിക്സ്‌ ചെയ്യണം. കറിക്ക് ഗ്രേവി വേണ്ടതനുസരിച് വെള്ളം ക്രമീകരിക്കണം. ഇനി തിളച്ചാൽ വാങ്ങി വക്കുക. അൽപ്പം മല്ലിയില അരിഞ്ഞത് കൂടി ചേർത്ത് നന്നായി മിക്സ്‌ ചെയ്യണം. ഇപ്പോൾ നമ്മുടെ അടിപൊളി “കപ്പ കുറുമ” റെഡി…. !!!

https://www.youtube.com/watch?v=Zniy4VOdNOg